السؤال دا محير
حلو
انا مش عايزة محدش يثق فيني وميأملش فيا عشان دي حاجة بتحبط وبتحسسني اني مليش لزمة
وبردو
مش عايزة حد واثق فيا اوي ومتأمل وبتاع بس مثلا تحصل حاجة تخليني انزل شوية فالدراسة يقوم هو يزعل ويدايق واطيح من عينه (بشرط اطيح بالزحليقة)
فالاتنين يعتبروا اصعب من بعض
لو فعلا واثق فيا يبقى واثق فيا على طول ويشجعني في أوقات يأسي اللي كل حد هيمر بيها
وبما انه مفيش حد هيفضيلي عشان يشجعني طول عمري
ف السؤال دا المفروض يتسئل لنفسي ولنفسك
هل انت واثقة فنفسك ومتأملة فنفسك؟ ولا هل انت مش واثقة؟
وبردو لو انت واثقة فنفسك جدا هتيجي أوقات هتشكي فنفسك وثقتك هتقل، بس لازم تدوسي على نفسك بقى وتحطي فدماغك ان مستحيل حاجة هتدوم وهنقع وهنقوم (شعر شعر) وهنقع وهنقوم تاني ولازم نستمر في كلا الحالتين.
المهم، انا فهماكي يا رسل، ونظرا لظروفك والعوامل اللي مش عرفة تتحكمي فيها يبقى انتي ملكيش ذنب فيها، اللي تركزي عليه دلوقتي هو اللي تقدري تتحكمي فيه؟ وتغيريه للاحسن؟
وبس، كل اللي هيحصلك هو خير ليكي، مهما يكن، ولكن بشرط، لازم تعملي اللي عليكي، لازم تدفعي الثمن.
شوفي انتي بقى.. انتهى الكلام.. شكرا
.
.
المهم يارسل، انا بحبك جدا
دي اهم حاجة فالمجرة دي كلها اللي احنا فيها
يلا بقى دمت بخير وصحة
