رووووووسل ليش هيك عم تحكييي!!
والله زعلتيني يا اختي :((!
والله ياريل والله يعلم، انتي زي العسل كلامك وتصرفاتك وعفويتك زي العسل وكلشي وبعدين مين قال العفوية شي ما حلو او مستصغر من قبل الآخرين؟ بالعكس والله العفويين دول ناس عاملة زي الالماس فاوسط الطين كدا عرفة، ناس نادرة في زمن بقى مليان تزييف وقرف
انا فهماكي يارسل كويس والله العظيم استطيع أن اقول اني بفكر فحاجات زيك كدا وبفكر فحاجات غبية وبكبر مواضيع تافهة وبفكر مليون مرة قبل ما اعمل حاجة ولسا الحمدلله يعني الوضع مستمر شوية الحمدلله الدنيا حلوة
وعفكرا الحاجات دي مش حلوة ودا عيب فيا انا وانا بعمل حاجات كتير غلط وحاجات كتير غبية من خلال تفكيري المتناقض، وان شاء الله متكونيش كدا..
اولا بقى، اقري هالحكي منيح
اولا، انتي ما بتزعجي حدا نهائيا، وانما نتيجة لتفكيرك المتزايد والسلبي ظننتي هكذا
بصي من الاخر الواقع هو فكرتك عنه، واخدة عنه فكرة حلوة هيبقى حلو قدامك وزي الفل، واخدة عنه فكرة وحشة هيسود قدامك وكل حاجة هتبقى وحشة
قد تظني ان العالم كله يكرهك وانه يُكّن لك بغضا وأنه لا يطيقك؟، والحقيقة أنه قد يكون العكس
انتي بتفكري ان العالم هيك وهي الفكرة بالفعل في راسك فا لما تيجي تتكلمي مع حد والفكرة فدماغك طبيعي وبدون وعي منك الفكرة بتتعكس عليكي دماغك بيقلك : اللي قدامك هيدايق منك
اللي قدامك دا، مش هيكلمك تاني، هياخد عنك فكرة وحشة يا حرام
اللي قدامك دا، لو مردش عليكي اعرفي انك قلتي حاجة وحشة، لو متفاعلش معاكي فا انتي شخص سيء لا يستحق الحب ولا يستحق الاحترام، ولا يستحق اي شيء جيد وانتي بنت صغيرة متعرفيش حاجة
ومن هنا بقى تبدأ فكرة ورا فكرة تسيطر على دماغك، وتبدأي ترجعي ورا وتبدأي متكلميش ناس عشان خايفة لو انتي مش هتعجبيهم أو ممكن تقولي كلام وحش بالنسبالهم صح..؟
دا كله مش حقيقي، دا كله وهم، انتي بتوهمي نفسك، الكل بيوهم نفسه في كثير من الأحيان والناس متفننة فإنها توهم نفسها احلى وهم
انتي مش بتقولي كلام وحش، وانتي مش شخص سيء، ومحدش بياخد عنك فكرة وحشة
وعشان اثبتلك كدا، انا هجاوب على اسئلتك بكل صدق ويعلم الله بنيتي : ..
١- من خلال معرفتي بيكي، انتي ما قلتيلي اي كلمة تجرح وما قلتي اي كلمة تزعلني، وحتى لما اشوف محادثات مع الآخرين مش بلاقي اي رد سيء منك عليهم، اغلب محادثتك بتبقي بتهزري ودا يدل على شخصيتك الجميلة والخفيفة والعفوية، ودي حاجة حلوة
٢- ما ازعجتي حد ابدا وما اذيتي حد بدون قصد ويشهد الجميع على ذلك، انتي ديما لما تيجي تكلمي حد بتاخدي الموضوع ببساطة ومش بتبالغي في الحديث هذا ما أراه فيكي. هل هذا عيب؟ هذا اجمل شيء يا اختي ولو قلتي اي حاجة غير دي انا مش عرفة هعمل اي فيكي
٣- معملتيش حاجة غلط وبعدين مالو لو عملتي مفيش اي مشاكل انا مرة تعديت قوانين المنتدى والدنيا زي الفل زي ما انتي شايفة الحمدلله الكل نسي يعني 
وهذه نقطة مهمة النسيان نفسي اتكلم عنها بس الكلام هيطول
٤- مفيش حد بيستصغرك وبيستحقرك والله الكل بيحبك يا رسل انا مش عرفة بتقولي الكلام دا منين انتي زي العسل والله كفاية انك على طبيعتك دي كفاية
٥- بصي
انتي شخص طيوب كدا ومش كل الناس بتفهم الحاجة دي عشان مش كل الناس زيك
كونك عايزة تضحكي حد دي مش حاجة وحشة ومش بتدل على صغر عقلك دا يدل على طيبة وصفاء قلبك يا قلبي، يبقى تعالي ضحكيني انا تمام
هو في حد يطول حد يضحكه يلهواااااي
٦- المزاح بسخرية وحش ومؤلم جدا وأسوأ حاجة، ممكن تتريقي على حد تلاقيه بيضحك عادي ومن جواه مدايق جدا وزعلان
المزاح مش شرط يكون تريقة، ممكن تهزري بدون تريقة عادي جدا ودا الاحسن ودا اللي بجد بيضحك، الناس اللي قريبة منك جدا جدا جدا والف جدا دي اللي ممكن تهزري معاها بالسخرية عشان هيا عرفة نيتك إنما مش الكل عارف نيتك
وبس كدا اكون جاوبت على اسئلتك
والله في كلام كتير نفسي أقولهولك نفسي تكوني قدامي وحتبي دلوقتي عشان اقلك والله بس مش عايزة اطول اكتر من كدا عشان الموبايل قرب يفصل
انا قلت كلام كتير وبجد الكلام دا طالع من قلبي عشان انا عرفة انتي حاسة ب ايه وعشان انا بجد بحب اكلم واحسن الناس اللي زيي أو فيهم حتة معينة زيي حتى لو انا مقدرتش اتغلب عالحتة دي بحب اشوفهم هما بيتغلبوا عليها ويبقى واثقة من أنهم يقدروا
ياريت بقى متفكريش كدا تاني يا رسل ومتفكريش انك شخص سيء عشان انتي مش زي مابتفكري اطلاااقاااا
وبردو متفكريش انك تطلعي من المنتدى دا، دي حاجة مهمة بردو
اعملي كل اللي نفسك تعمليه، دام ميتعداش حدودك وحدود الآخرين ودام مش حرام
وبس خدي الموضوع ببساطة
الناس هتتدايق منك عشان انتي كدا؟؟ خليها تتدايق ومالووووو مفيش حد هيرضي كل الناس واللي هيحبك هيحبك كلك عبعضك وهيساعدك انك تبقي احسن بدل ما يبعد عنك
ازعجتي حدا؟ ومالو بردو عادي كل واحد هياخدها على حسب تفكيره مع اني اشوف انك مش بتزعجي حد ولكن انتي اللي منزعجة من نفسك عشان كدا لازم تحبي نفسك يا رسل وتعرفي مين انتي بحق مين رسل الحقيقية
تعملي حاجة غلط؟ ومالو بردو الكل بيغلط والكمال لله، الكل بياخد على دماغه وبيقوم تاني عادي وبيتعلم وبيضحك على نفسه بعدين ويقول الحمدلله
وبس، خدي الموضوع ببساطة كدا
انتي عرفة انا كاتبة جملة : take it easy
بخط كبير اوي ومعلقاها عالحيط عشان كل ما افكر في موضوع وارهق نفسي بقرا الجملة دي وبهدي نفسي وفعلا مبيبقاش مستاهل كل اللي بعمله
(كتبت بخط صغنن عشان الكلام طلع كتير بسم الله ماشاء الله ما توقعتش بس بردو عشان تقري بتمعن ؛))
المهم، انتي كمان take it easy خذيها ببساطة
وكل الحاجات اللي مسببالك ارق دلوقتي هتضحكي عليها وهتشوفيها حاجة تافهة اوي، افتكري كدا كويس
هذه حياتك استمتعي بيها انتي ومتتعبيش نفسك
Enjoy
