First time here? Checkout the FAQ!
x

الملاحظات

Queene et bonito 3as 2022

في تصنيف شات طليق
بواسطة طالب متميز (2.1ألف نقاط)  
+11 تصويتات
4.3ألف مشاهدات
هذا منشور خاص للمناقشة بيني و بين كوين منشان الباك ارجو من كوين ان تعحب بالأمر

و ان كان هذا العمل ممنوع فأنا أسفة كثيرا

بالتوفيق لكم ياحبايبي

من فضلك سجل دخولك أو قم بتسجيل حساب للإجابة على هذا السؤال

26 إجابة

بواسطة طالب اسطوري (11.7ألف نقاط)  
+4 تصويتات

السلام عليكم 

شكرا عزيزتي على المبادرة الجميلة :) 

كلما احتجت شيئا أكتبيه لي هنا , وبإذن الله أكون متواجدة حينها 

الموقع من أجل مساعدة بعضنا الآخر , لذا لا أظن بأنه ممنوع :)

بالتوفيق للجميع smiley

بواسطة طالب اسطوري (11.7ألف نقاط)  
مساء النور :)
يومكم مبارك
كيف الحال ؟
بواسطة طالب محترف (3.8ألف نقاط)  
هو ليه كل شوي بترجعي هنا ههههههه
مساء النور
جمعة مباركة
الحمدلله وانت
بواسطة طالب اسطوري (11.7ألف نقاط)  
هههه لأنه ممتع φ(* ̄0 ̄)
ولا تسأل عن سبب عودتي مجددا ههه إنها نفس الإجابة "نهاية الأسبوع "
الحمد لله , أدام الله نعمه ^_^
بواسطة طالب متميز (2.1ألف نقاط)  
خديجة سلكيني لونقلي ماعرفتش نقراها نراجع و ننسى عاونيني شوية
بواسطة طالب اسطوري (11.7ألف نقاط)  
تم الإظهار مرة أخرى بواسطة
الأستاذ ناصري مازلت عاقلة على الشرح تاعو
سيي تتفرجي غير بالفيديو , وإن شاء الله تعقلي عليها
بواسطة طالب اسطوري (11.7ألف نقاط)  
+4 تصويتات

السلام عليكم 

نجاوبك هنا أوكي؟

1*مانعرفش نرسم الآرأن  ارسميهلي اذا طقتي 

2* تعرفي تشتقي دالة ؟ 

كي تشتقيها روحي اكتبي المشتقة وديريها=0

ومبعد شوفي الحلول , مثلا إذا كانت  كثيرة حدود ديري بالدلتا واحسبي x1,x2

ومبعد ديري جدول إشارة المشتقة 

 +مالانهاية"ولامجال التعريف " x1       x2                        -مالانهاية x
                            نفس         مثلا:  -       I      عكس إشارة a     |نفس f'x
كي تكون المشتقة سالبة تكون الدالة fمتناقصة
وكيتكون المشتقة موجبة تكون الدالة  fمتزايدة  î
f x

إذا مازال مفهمتيش كاش حاجة قوليلي نشرحهالك :)

بواسطة طالب اسطوري (11.7ألف نقاط)  
والو
أنا و البالو ما نتلاقاوش
الدزاير و غير كي بدات بلادي :)
بواسطة طالب متميز (2.1ألف نقاط)  
ههههههههههههههههه
بواسطة طالب اسطوري (11.7ألف نقاط)  
السلام عليكم
اليوم ملبدية و حنا من بلاصة لبلاصة
روحنا ل3 ديار بصح نمشو لأنو ما صبناش الترونسبور
و نتوما  كاشما خدمتو ؟
بواسطة طالب متميز (2.1ألف نقاط)  
هههههههه كيما انا
تحضري اليوم ساعة تاريخية ولا نو
انا واقيل نحضر  على حساب الظروف
دوك نخمم وش ندير اذا حضرت نكون  واجدة
بواسطة طالب اسطوري (11.7ألف نقاط)  
مساء النور
ما شفتش تعليقك و ما علاباليش بلي كاين ساعة تاريخية
اسمحولي :)
بواسطة طالب عالمي (6.8ألف نقاط)  
+3 تصويتات
بالتوفيق يارب لكم جميعا ❤️
بواسطة طالب متميز (2.1ألف نقاط)  
شكرا لك ياحبيبتي
بواسطة طالب متميز (2.1ألف نقاط)  
+3 تصويتات
كيفية رسم ARN

ADN فيه سلسلتين مستنسخة و غير مستنسخة حيث  مستنسخة ترقيمها 3' الى 5'  و غير مستنسخة 5' الى 3'

تتبع نيكليوتيدات تاع  ARN PM  نفسه تاع غير مستنسخة غير بدلي t  ب u

تعرفي علاش ADN فيه t  و ARN فيه u
بواسطة طالب اسطوري (11.7ألف نقاط)  
نو
وماغسي على التوضيح :)
بواسطة طالب متميز (2.1ألف نقاط)  
خديجة ياك كي درنا تجربة الكشف عن موقع الadn استعملنا التايمين المشع لون ديالوا أحمر
وياك كي نديروها فيه يظهر لون أحمر سما موقع ال ADN في النواة
ومي باش نكشفوا عن موقع ARN نستعملوا اليوراسيل و لون ديالو أصفر ونفسها كي نحطها فيه تتلون النواة بالأصفر سما ARN موجود في النواة
بب مرحلة الترجمة لازم حتى نراجعها مليح باش نوريهالك علاخاطش بزاف صعيبة و لازملها تركيز
بواسطة طالب اسطوري (11.7ألف نقاط)  
مساء النور :)
واش راكي بب؟
يعذيك الصحة على المعلومات , واسمحيلي تعبتك معايا
بواسطة طالب متميز (2.1ألف نقاط)  
بلامزية بب حنا خاوة تعاونوا بعضنا
نتي خدمتك تشرحلي نبذة التاريخي تاع  المحور الأول تاع العربية و تبعتيلي شرح تاع أسلوب التلقين و الفرق بين الحكمة و النصيحة و المجاز العقلي و البلاغي
أكديلي بزاف على النبذة بب اشرحيلي كيفاش جا هذا الشعر واش فيه علاخاطش أنا خاطيني هاذوما العفاسي
و زيد كي يقولنا ارسم مستقيم مقارب نحسبوا نهاية عند حل المعادلة اومبعد نرسموا مي حبيت نعرف كيفاش نلقاو حل المشتقة و نديروا جدول. الإشارة ديالها
بواسطة طالب اسطوري (11.7ألف نقاط)  
نقولك نبذة من واش فهمت , لخاطش تاع الكتاب طويلة
بعد هجومات التتار على بغداد في نهاية الطور الثاني من العصر العباسي656هجري قاموا بقتل العلماء وإحراق المكتبات وأتلفوا الكتب في نهر الفرات حتى قِيل أن لونه أصبح أسودا بلون الحبر
مما أدى إلى افتقار في الحياة الأدبية في العصر الموالي وهو : عصر الضعف والإنحطاط , كما سُمي أيضا بالعصر المملوكي
وفي هذا العصر ضعفت قيمة الأدب بتدهور الأوضاع الإجتماعية والسياسية إضافة إلى قلة فرص العمل
فأصبح الأدب عبارة عن مواضيع سطحية و تقليد وقلة إبداع بسبب انصراف الشعراء إلى مِهن أخرى
 "نصلي ونجي نكمل "
بواسطة طالب اسطوري (11.7ألف نقاط)  
من الأغراض الشعرية التي سادت في هذا العصر : الشعر التعليمي
وهو غرض شعري قديم يتناول الأخلاق , النصائح ,يخلو من العاطفة فهو يخاطب العقل
بواسطة طالب اسطوري (11.7ألف نقاط)  
السلام عليكم
هذا المنشور إن شاء الله يبقى ذكرى جميلة لينا حتى اللي نكبرو
بواسطة طالب متميز (2.1ألف نقاط)  
+3 تصويتات
مرحلة النضج وهي ثاني مرحلة في تركيب بروتين يتم فيها تحول arnpm الى arnm حيث ينقص طوله

علمنا ان arnpm. لديه نفس طول ADN و منه نعرف بلي مايقدرش يغادر النواة

كيفاش ينقص الطول ديالوا

الجواب المورثة مجزأة اي فيها قطع دالة و قطع غير دالة

كي نرسموا arnpm نديروا كامل القطع  او مبعد كي نرسموا arnm لي دالة تبقى في بلاصتها و غير دالة يصرا اختناق في بلاصتها و تغادر من سلسلة و يصغار الطول و تبقى دالة فيها برك اومبعد يغادر النواة

بب انا و مانيش فاهمة مليح كيفاش نعرف وين راهي دالة و غير دالة
بواسطة طالب اسطوري (11.7ألف نقاط)  
هههه والله ماني عارفة أنا ثان
مي كي نوصلو ليها بإذن الله نسقسي البروف :)
بواسطة طالب متميز (2.1ألف نقاط)  
مي بب هاذي مرحلة النضج مادريهاش لوكان يطلب منك مراحل تركيب بروتين غير إذا هو طلبها منك في التمرين
بواسطة طالب اسطوري (11.7ألف نقاط)  
السلام عليكم
اليوم قاللنا عليها الأستاذ مي ماكفاناش الحال باش نسقسوه
بصح كي رسمهالنا  دارها كشغل كرات في وسط خيط الadn
غدوة إن شاء الله نتأكد :)
بواسطة طالب متميز (2.1ألف نقاط)  
اسمعي دارلكم دالة و غير دالة على شكل كرات في وسط adn
بواسطة طالب اسطوري (11.7ألف نقاط)  
غير الجالة رسمها كشغل نصف دائرة لاصقة مع الarn
بواسطة طالب متميز (2.1ألف نقاط)  
بروف تاع ليسي بل هذا و لا تاع يوتيوب
بواسطة طالب اسطوري (11.7ألف نقاط)  
تاع الليسي
صبت في اليوتيوب بلي القطع غير الدالة هي اللي ماعندهاش أحماض أمينية موافقة ليها في الشفرة الوراثية
بواسطة طالب متميز (2.1ألف نقاط)  
وي تاع اليوتيوب صحيح وعلاش قتلك ماديرهاش غير كي يطلبوها منك يقولك ارسم الarn على حساب جدول تشفير ونتي تعرفي كيفاش ديريه على حساب الرامزة
مي تاع يوتيوب حمارهههنن
بواسطة طالب متميز (2.1ألف نقاط)  
+3 تصويتات
خديجة علوم خصتنا عبير ترفهانا ديراكت مي ماشكيتش نقدروا نافيڨيوها راحت تقرا خسارة
بواسطة طالب اسطوري (11.7ألف نقاط)  
هههه بصح هوما مايقراوش كيما احنا
أساسا الرموز ممكن تختلف :)
الله يوفقها هي ومنال  وكامل اللي عندهم الباك :)
بواسطة طالب متميز (2.1ألف نقاط)  
اه صح نسيت كامل
بواسطة طالب متميز (2.1ألف نقاط)  
كيفاش تتسالي بها ياواحد شاموتية
لالا بب كي عندنا نقولولك
بواسطة طالب اسطوري (11.7ألف نقاط)  
اللهم آمين أجمعين :)
شكرا حبيبتي فاطمة , أساسا برنامجهم وبرنامجنا ليسا نفس الشيء
دمتم بخير
بواسطة طالب متميز (2.1ألف نقاط)  
+3 تصويتات
خديجة روحي للصفحة 46 تاع فيزيك سؤال تاع جدول تقدم بدلالة t تعرفي كيفاش داروه يعني الطريقة
بواسطة طالب اسطوري (11.7ألف نقاط)  
ديزولي بب ماشفتهاش حتى ضوك
نروح نشوف ولا خلاص؟
بواسطة طالب متميز (2.1ألف نقاط)  
وي روحي شوفي بب
بواسطة طالب اسطوري (11.7ألف نقاط)  
شفتو ومافهمت والو ‪¯\(°_o)/¯‬
بواسطة طالب متحمس (767 نقاط)  
+3 تصويتات

السلام عليكم و رحمة الله ^^  

laugh

يعني صراحه من كلمه وحده عرفتك بلي جزائريه ههههههه  

تبانلي  غير حنا لي نسموه "باك "  مشي بكالوريا ههههههه 

كيف لحال بنت لبلاد 

ربي يوفقكم  ان شاء الله 

القليل من الاجتهاد و الكثير من التركيز و تبتغي مرادك ان شاء الله ^.^ ✌

   بالتوفيق 

بواسطة طالب اسطوري (11.7ألف نقاط)  
هههه
مش نتا من ميلة ؟
راني بديت اليوم بباك 2020 : )
بواسطة طالب متحمس (767 نقاط)  
ايه  إكزااكت  
من ميلة ✔
ايا غاياات  بالتوفييق  ✌
كثري كثري  من لي باك  
قد ما تحلو باكات  ماتقنعيش  زيدو اكثر و اكثر
بواسطة طالب اسطوري (11.7ألف نقاط)  
إن شاء الله :)
صحييييييييت
بواسطة طالب متحمس (767 نقاط)  
بلا مزية  
توكلوا  على الله واجتهدوا  شويه  واعتمدوا على الدعاء
بواسطة طالب اسطوري (11.7ألف نقاط)  
إن شاء الله يوفقنا كامل يا رب :)
بواسطة طالب متميز (2.1ألف نقاط)  
+3 تصويتات
سلام خديجة وين راكم حابسين فيزيك

خديجة وين راكم اونقلي و فرونسي

انا حبيت ندير ملخص تاع وحدة اولى تاع العلوم ماعرفتش نديروا هههه
بواسطة طالب اسطوري (11.7ألف نقاط)  
وعليكم السلام ورحمة الله تعالى و بركاته :)
واش راكي بب؟
أونغلي مابديناش , راه غايب
فرونسي دارتلنا نص على ثورة نوفمبر

ملخص العلوم وين تحوسي تحبسيه ؟
قوليلي ونبعثولك :)
بواسطة طالب متميز (2.1ألف نقاط)  
في ترجمة اسمعي علوم فيها واحد تمارين بزاف صعاب
بواسطة طالب اسطوري (11.7ألف نقاط)  
نديرلك ملخص تاع  التعبير المورثي؟
التمارين ماجربتش نحلهم لحد الآن
نظن مازال الحال على التمارين , لحد الآن نعرف التحليل وفقط :)
بواسطة طالب متميز (2.1ألف نقاط)  
+3 تصويتات
واش لباس

خديجة فرونسي دىرتوا كونت غوندي ولا مازال
بواسطة طالب اسطوري (11.7ألف نقاط)  
مساء النور :)
غاية الحمد لله , ونتي بب؟
لالا مازال , قرينا غير على ليستواغ و1 نوفمبر

وين راكم حابسين علوم  ؟
بواسطة طالب متميز (2.1ألف نقاط)  
علوم رانا في مراحل ترجمة
انا راني الحمد الله
فرونسي كيما حنا مازال
بواسطة طالب متحمس (536 نقاط)  
+3 تصويتات
انا نسيتوني ؟؟؟

BEM 2022
بواسطة طالب اسطوري (11.7ألف نقاط)  
عاش من شافك عمري :)
مساء النور:)
واش راكي ؟
ياختي هو نتي رحتي منعرف شكون خطفك , باينة لانتارنت ههه
كي راكي وكيراه البيام ؟

عندك بلاصة معانا , وأي سؤال إن شاء الله نجاوبوك  عليه إذا قدرنا :)
بواسطة طالب متميز (2.1ألف نقاط)  
نعانوك ابعتي هنا وحنا إذا قدرنا نعانوك
بواسطة طالب متحمس (536 نقاط)  
السلام كيراكم والله ماتقدروش تتخيلو قداش توحشتكم
هي الحق ما شي الكونيكسيو بصح انا بغيت نختفي عن الموقع خاطرش عندي البيام و بغيت ندخل بانطلاقة قوية
و حبست قبل شهرين من الدخول المدرسي خاطرش كي كنت هنا كنت قاع اليوم فيه و ماندير تا حية و قلت حتى نحكم روحي و دروك راني نرجع شوية شوية
انا راني ناوية على معدل 18 فالبيام راني مزيرة روحي
بواسطة طالب متميز (2.1ألف نقاط)  
ربي ينجحنا كامل و خلاص بب
بواسطة طالب اسطوري (11.7ألف نقاط)  
مساء النور :)
إن شاء الله يا رب , كامل ندو امتياز وعلاه لا  ؟
وحنا ثان توحشناك :)
بواسطة طالب اسطوري (11.7ألف نقاط)  
السلام عليكم
توحشناك آية
واش راكي ؟
إن شاء الله تكوني غاية و قرايتك ثان ماشية غاية
الله يوفقنا قاع , ونفرحو قاع مع بعض
دمتما موفقتين ❤❤❤
بواسطة طالب متميز (2.1ألف نقاط)  
+3 تصويتات
خديجة شريعة وين راكم لاحقين عمبالك بلي بزاف طويلة و فيها فهامة سما نصيحة مني ديرلها اهتمام بزاف علاخاطش راهي فهامة فصل الثاني ماتتخلعيش برك و ربي معانا

خطبة الوداع لازم نحفظوها كامل و الميراث و الزكاة و بزاف دروس فهامة
بواسطة طالب اسطوري (11.7ألف نقاط)  
+3 تصويتات

السلام عليكم :) 

أخي/أختي المحرر (ة) 

عذرا على شعبة العلوم المفتوحة هنا هههه تحملونا قليلا بعد :) smiley


بونيتو , شوفي , كي يكون عندك منحنى x بدلالة t 

حيث x التقدم " m.mol/l" الملي مول / لتر ...مثلا . 

وt الوقت " بالدقيقة " min

يعني أنو  x في محور التراتيب 

و t في محور الفواصل 

يكون دايما المنحنى عبارة عن قطع مكافئ 

 لحد الآن راكي فاهمتها ؟ 

تعرفي كيفاه نديرو t1/2؟ 

بواسطة طالب متميز (2.1ألف نقاط)  
وي رانا فهمتها لحد الان هذه
و ميرسي حبي على معلومات
بواسطة طالب اسطوري (11.7ألف نقاط)  
أوكي , مليح
ضوك كون تكون n كمية المادة الإبتدائية في بلاصة X
رايحا تكون على العكس , بمعنى تتناقص , بصح تبقى فرع من قطع مكافئ
"نفس الرسم شاهو هو يبدا من الفوق ويهود للتحت "
يبقى يهبط حتى يتلاقا معا محور الفواصل اللي هو الوقت بالدقيقة , معناها nf=0
نشوفو n0/2
وتقابلها t1/2

نروحو نعينو t1/2  في المنحنى
ومبعد نعينو نقطة قبلها ونقطة بعدها بنفس المسافة
مثلا  
   النقطة 1      "1سم"         t1/2                سم "1     النقطة 2

ومالازمش تفوتي 1 سم
تعينيهم في المنحنى , ومبعد توصلي بيناتهم "بين النقطة 1 والنقطة 2 "

مبعد ترسمي مماس للمنحنى , يمر بالنقطة t1/2 ويوازي القطعة "النقطة 1 و2 "

موراها هاذاك المماس يتقاطع مع محور التراتيب اللي هو كمية المادة

نزيدو نرسمو خط متقطع بين t1/2 و المنحنى

نوصلو المماس من طرف محور التراتيب " وين يتقاطع " مع الخط المتقطع تاع t1/2

يولي عندنا مثلث قائم :
عند t1/2 في المنحنى + نقطة تقاطع المماس مع محور التراتيب + تقاطع الخط اللي رسمناه بين محور التراتيب و الخط المتقطع تاع t1/2

إن شاء الله تكوني فهمتي لحد الآن
موراها ندو الطول تاع ضلعي المثلث , اللي هوما مقدار t1/2  هلى محور الفواصل , ونسموه  "دلتا t"
وندو الطول الزاوج ,  "تاع دلتا n" بمعنى محور التراتيب " طول المثلث مش محور التراتيب في حد ذاتو "
ونحسبو النسبة : دلتا n تقسيم دلتا t
نصيبوها بالملي مول على الmin
ياربي تكوني فهمتي :)
بواسطة طالب متميز (2.1ألف نقاط)  
+2 تصويتات
واش كاش لومبيونس تاع مولود ولا والوا البنات

احكولي واش درتوا
بواسطة طالب اسطوري (11.7ألف نقاط)  
جاو لافامي عندنا
ونهار كامل وأنا نجري ورا القهوة ولاتاي والماعين توع ال×××××
هههه قتلوني بالعيا , وزادو العشا عاونت ماما ومبعد رحت مت مش رقدت هههه
ونتي؟
بواسطة طالب متميز (2.1ألف نقاط)  
حنا عندنا في مولود نجوزوه مع الحومة علاخاطش عامرة. بصوارة و نواسوا نفس التقاليد مع بعضنا المهم
جوايه الظهر يزينوا الحومة و لي عندوا وليدوا صغير جامي لحفف يديه يحففلوا و يمدلوا يوزع الحلوى على دراري صغار و نطيبوا القاتوا و نشروا الحلوى او مبعدة كي. يأذن المغرب كل واحد يتعشا في داروا و تبعتي الجارتك واش درتي حنا جارتنا لي مقابلتنا قبايل بعتنالها و تضربنا بالكسكسي اممممم بنين اومبعد كي نكملوا لعشا نجتامعوا العايلة كامل و نديروا لما كيما حنا ماني تاع بابا تضرب الدربوكة هي لي كانت تواسي و حنا علابالك انا تعرفي واحد ماصفق خير مني ديتهالهم كامل و موراها بهبط واحد يطلق البوق و الحومة تهبط كامل و الحرب العالمية الثالثة  تسكني في حومتنا نهار مولود تتخلعي هههه اومبعد كي نكملوا كلش نعاودوا ندخلوا و نزيدوا نديروا سهرة تاع لتاي و كلش و نقسروا و لي يحب الحنة يدير و خلاص
حنا عادة في مولود ولد بحفف شعره
بواسطة طالب اسطوري (11.7ألف نقاط)  
احنا عندنا بعد العشا نديرو الحنة خطرات , ونشعلو كل واحد شمعة واللي تكمل شمعتو لولة هو اللي يموت قبل
هههه
زعما
ونشعلو الصينيال :)
وولاد الكرطي يهبلونا بالمحيرقات
بواسطة طالب متميز (2.1ألف نقاط)  
+2 تصويتات

هو جايني احساس بلي ماراحش نجيبوا broken heart

بواسطة طالب اسطوري (11.7ألف نقاط)  
أنا نفضل نقرا وحدي
مع العم يوتيوب هههه
بواسطة طالب متحمس (767 نقاط)  
مااعلييش  مليحه  تاني  
او  اليوتيوب  راه فيه  كلشي متوفر  
او انا من النوع لي مانقدرش  نقرا وحدي  علابيها ماتعجبنيش ديك لحاله غير كي  تتحتم
بواسطة طالب اسطوري (11.7ألف نقاط)  
صباح الخير :)
على العكس , وحدي مع اليوتيوب نقرا خير من مع الجماعة :)
بواسطة طالب متميز (2.1ألف نقاط)  
هههههههههههههههههههههههههه. انا مافريتهش بين زوج
بواسطة طالب اسطوري (11.7ألف نقاط)  
ههههههههههه
بواسطة طالب متميز (2.1ألف نقاط)  
+2 تصويتات
خديجة ترجمة كيفاش تكون في ريبوزومات حرة
بواسطة طالب اسطوري (11.7ألف نقاط)  
الريبوزومات صاريلها كيما القواعد الحرة
تكون فارغة شغال حتى تكمل العطلة وتجي القراية هههه
بواسطة طالب متميز (2.1ألف نقاط)  
+2 تصويتات
راهم داروا البساج خدوج سما مكانش اللعب لازم سيريوا و ياو المات راحت في داك شي ههههههه
بواسطة طالب متميز (2.2ألف نقاط)  
+2 تصويتات
سلام عليكم

ماشاء الله شيء جميل الله يوفقكن وينجحكن في الباك.

بالتوفيق لكن وللجميع.❤❤❤
بواسطة طالب متميز (2.1ألف نقاط)  
انشاء الله يارب
بواسطة طالب اسطوري (11.7ألف نقاط)  
اللهم آمين :)
بواسطة طالب متميز (2.1ألف نقاط)  
+1 تصويت
سلام خديجة واش راك دايرة فيها

وين راك لاحقة علوم اسمعي فيزيك شحال صامطة هههههه
بواسطة طالب اسطوري (11.7ألف نقاط)  
وعليكم السلام ورحمة الله تعالى و بركاته :)
الحمد لله , ونتي؟
العلوم كملنا الترجمة , وغدوة بإذن الله ندخلو للوحدة 2 العلاقة بين البنية والوظيفة
والفيزيك  عجبتني , أساسا الأستاذة اللي تمنيتها تقرينا طاحت فينا الحمد لله
بواسطة طالب متميز (2.1ألف نقاط)  
اسمعي كي يقولنا احسب سرعة تحول و يكون منحنى كمية المادة واش ندير
بواسطة طالب اسطوري (11.7ألف نقاط)  
شوفي مقدار اختفاء كمية  المادة
 قصدك حساب بالأرقام ؟
لازملها شرح :)
بواسطة طالب متميز (2.1ألف نقاط)  
مافهمتش قصدك
بواسطة طالب اسطوري (11.7ألف نقاط)  
من البيان تحوسي تحسبي السرعة , صح ؟
نشرحهالك هنا ؟
بواسطة طالب متميز (2.1ألف نقاط)  
ايه حبيبتي
بواسطة طالب متميز (2.1ألف نقاط)  
+1 تصويت
اسمعي خديجة في مرحلة تنشيط الأحماض الأمينية الطاقة المحررة من طرف ATP  وين تروح
بواسطة طالب اسطوري (11.7ألف نقاط)  
ATP ترجع ADP+P
 ومبعد في المرحلة 3 تاع تشكل المعقد الثلاثي : ممكن تكونو درتوها المرحلة 2 , على حساب التفصيل
ADPترجع AMP +P

ال ATP أدينوزين ثلاثي الفوسفات
ADP أدينوزين ثنائي الفوسفات
AMP هو أدينوزين أحادي الفوسفات
بواسطة طالب متميز (2.1ألف نقاط)  
حنا قرينا بلي تتحول ديراكت amp + 2p  و تتحرر طاقة اومبعد هاذيك طاقة تشكل رابطة استرية بين حمض الأميني و الarnt  و يتشكل امينو اسيل arnt  و ينفصل على امينو اسيل arnt سينتاز في مرحلة اخيرة من تنشيط الأحماض الأمينية
بواسطة طالب اسطوري (11.7ألف نقاط)  
حنا مازدناش هاذ التفاصيل اللي من بعد :)
صحيتي  على المعلومة
بواسطة طالب متميز (2.1ألف نقاط)  
درتوا ياك مرحلة تنشيط الأحماض الامينية
بواسطة طالب متميز (2.1ألف نقاط)  
راك تشوفي شكون راهو اونلين
بواسطة طالب اسطوري (11.7ألف نقاط)  
درناها باختصار
شكون راه أونلاين ؟
122 Online Users
1 Guest 121 Member
Online Members
Today Visits : 27944
Yesterday Visits : 56116
Total Visits : 44198103

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...