First time here? Checkout the FAQ!
x

الملاحظات

مذاكرة أكثر + تعب أقل؟

في تصنيف اسئله عامه
بواسطة طالب مبتدئ (184 نقاط)  
+8 تصويتات
355 مشاهدات

عمرك سألت نفسك ليه الناس بتذاكر كتير و تتعب في المذاكرة و في الآخر تحصيلهم مش عالي؟

ليه بنحس بالتعب أثناء المذاكرة مع إن جدول المذاكرة لسه مليان؟

هل في حل للموضوع دا ولا هنقعد كدا...

بس بالله عليك بلاش جو إمسك في الكرسي دا و إربط نفسك فيه علشان مابيأكلش عيش 

حاضر ياسيدي....

قبل ما أقولك الحل تعالى كدا أقولك سر كدا...

هتقرب وتديني ودانك ولا ايه تعالى (^‿^)

تركيز المخ بيفضل  في أحسن حالاته لمدة 30 دقيقة فقط من الشغل المتواصل 

بيتهيألي كدا إنت ممكن تجيب الحل لوحدك 

فكر في الحل و بعدا كدا كمل 

الحل ببساطة هو انك تذاكر بضمير لمدة 25 دقيقة... وبعد كدا إيه أقعد أقول خلصت؟ ... لا مش هنضحك على بعض 

انت تذاكر لمد 25 دقيقة و بعد كدا تسيب الكتاب متمسكش حاجة في إيدك ولا تليفونك ولا أي حاجة... تفضل قاعد على الكرسي عادي من غير ما تعمل حاجة لمدة 5 دقايق، أو تعمل تمارين رياضية بسيطة غير مرهقة لمدة 5 دقايق... وبعدها تمسك الكتاب تاني و تكمل مذاكرة 

كدا انت عملت ايه؟ انت ضحكت على المخ 

عرفت معلومة إنه بيتعب كل 30 دقيقة تركيز قمت مقسم وقتك على كدا 

في نقطة تانية لازم تاخد بالك منها... انك مش بتقسم المواد 

يعني ايه؟ يعني مثلا انت مش بتذاكر فيزياء 25 دقيقة و بعد كدا تقفل و تذاكر أحياء، لأ خالص إنت بتقسم الوقت مش المواد يعني انت هتفضل تقطع وقتك 25 دقيقة كل مرة الى أن تخلص الفيزياء وبعدها تاخد فاصل و ترجع تاني تذاكر أحياء بقى بنفس النظام 

جزء تاني عايز ألفت نظرك ليه هو انك تكافئ نفسك بحاجة انت بتحبها بعد كل "مادة" تخلصها... أي حاجة ممكن تنفع عصير، مشروب ما أو حاجة تانية انت بتحبها في خلال النص ساعة فاصل بين المادتين.... دا هيشجعك تذاكر و تخلص مادة مادة 

آخر حاجة أتمنى يا جماعة وقت المذاكرة الموبايل يكون فاصل شحن و مايتفتحش ألا لما تخلص كل شيئ في الجدول 

أتمنى مأكونش ضيعت وقتك 

سلام

من فضلك سجل دخولك أو قم بتسجيل حساب للإجابة على هذا السؤال

8 إجابة

بواسطة طالب متحمس (919 نقاط)  
+4 تصويتات
جميل جدا بس بصراحه بحس أن ٢٥ دقيقه وقت قليل ومش بننجز فى حاجه كتير أو انا يعنى مش بنجز في حاجه كتير فبشوف إن ٤٠ دقيقه افضل

مشكور على مجهودك
بواسطة طالب متحمس (503 نقاط)  
صحيح ممكن الواحد يبقى ساعه الا ربع كل وبحسب المتوسط الذي يتعب فيه
بواسطة طالب متحمس (919 نقاط)  
فعلا عندك حق دى كمان وجه نظرى لانى كنت بقعد فى مسأله رياضه اكتر من ٢٥ دقيقه ههههههه
بواسطة طالب متحمس (556 نقاط)  
اه تقدرين تعمليها 50 دقيقة وعشر استراحة هذا يسمى نظام الطماطم زله ساعة باسم بومودورو
انا اعمل هيك 50 دقيقة بدل 25 دقيقة و10 استراحة بدل 5 دقائق استلراحة
بواسطة طالب متحمس (919 نقاط)  
فعلا عندك حق
بواسطة طالب مبتدئ (297 نقاط)  
+3 تصويتات

جميل جداً yesyes​​​​​​

بواسطة طالب محترف (3.4ألف نقاط)  
+2 تصويتات
بارك الله فيك . بالتوفيق
بواسطة طالب عالمي (7.6ألف نقاط)  
+2 تصويتات
جميل جدا بارك الله فيك الله يعطيك العافيه

استمر
بواسطة طالب جديد (24 نقاط)  
عُدل بواسطة
+2 تصويتات

الطريقة بعملها كل يوم ناجحة جداً بعمل timer للجهاز 35دقيقة وبعد 35دقيقة اخذ استراحة قصيرة اعمل فيها اي شيء اريده اذا فقدت تركيزي فاشرب كوب قهوة او العب رياضة مشي لمدة 40 دقيقة (مهمة جداً رياضة) .
وايضاً اضع جدول في تقويم بعد يوم من المذاكرة المادة وبعد اسبوع وبعد شهر اقوم بعمل recall (استذكار او استدعاء) للمادة الي قريتها (يعني اقوم افتكر المعلومات الي تعلمتها) وبعدها اقارن الي تذكرته مع الي في الكتاب هذه الطريقة ايضاً فعالة جداً للتذكر.. وطبعاً هاي التقنيات ممكن تكون صعبة في البداية لكن مع تعود حتكون سهلة

ملاحظة: كل انسان وله قدرة على التركيز من الزمن الي عمره 16 يقدر يركز الى 48دقيقة متواصلة والي عمره 2سنوات يقدر يركز 4دقائق الى 6دقائق
 

بواسطة طالب محترف (3.7ألف نقاط)  
عذرا اخي تم حذف المصدر لانه مخالف للقوانين
بواسطة طالب جديد (24 نقاط)  
طيب اذا اكو شخص مهتم وحابب يعرف معلومات اكثر عن الملاحظة ؟؟
بواسطة طالب محترف (3.7ألف نقاط)  
استميحڪ عذرا اخي لست انا من وضع القوانين هذه قوانين الاستاذ ابراهيم واي مصدر لا يتعلق بقنواته لا نقبله يمكنك قراءة القوانين ان لم تقرأها
بواسطة طالب عالمي (8.7ألف نقاط)  
+1 تصويت

السلام عليكم ورحمه الله وبركاته ❤️ 

مساء الخير ❤️ 

حلووووو كتيير هضحك على عقلي ان شاء الله ❤️ هههههههههههه 

بس في شيء ان انا مذاكرتي على الموبايل اصلا ⁦◉‿◉⁩ 

بالتوفيق ❤️⁦(✿^‿^)⁩ 

بواسطة طالب مبتدئ (184 نقاط)  
المذاكرة على الموبايل (حتى على Zamericanenglish أو Taleek) مش مذاكرة، اسمها دراسة
وحتى لو بتذاكري كل حاجة إلكترونيًا أنصحك باستخدام حاسوب
هيفرق معاكي كتير
بواسطة طالب عالمي (6.8ألف نقاط)  
+1 تصويت
كلامك صحيح جدااا

انا أفعل ذلك أيضا

 بالتوفيق يارب
بواسطة طالب محترف (4.2ألف نقاط)  
+1 تصويت

حلوة الفكرة دي 

انا كنت فكرهم ٢٥ دقيقة بس هههههه

110 Online Users
0 Guest 110 Member
Today Visits : 52164
Yesterday Visits : 56116
Total Visits : 44222298

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...