مساء الخير ده ملخص البث على قد ما قدرت واللى يقدر يضيف ياريت لانى فى مكان النت فيه ضعيف
كم من الوقت احتاج لتعلم الصينى ؟
انا اخدت منى سنة كاملة عشان ابسطهالك لكن انا ما اقدرش اقولك انت هاتقدر تتعلمها فى قد ايه وفى النظام على طليق هاتقدر من اول يوم تكتب
ازاى نعرف الحاجة اللى هاننجح فيها؟
ماحدش يقدر يقولك انت هاتنجح فى ايه لكن تاكد انك هاتنجح فى اللى بتحبه
كورس البرمجة ؟
هو مش كورس هو كيان كامل وان شاء الله جارى استكمال الكيان الكامل وتم تنفيذ خطوات مثل الدومين
كورس التهكير؟
الاختراق بينقسم الى white , Black انا مش هاقدر اساعدك فى البلاك لانى هابقى باضر الناس
كيف تحفظ الجمل لان كلش صعب ؟
ادرب على جمل كتير بانك تستخدم الكلمة فى اكثر من جملة مع تركيبة لغوية سليمة
رتم الحلقات قليل على زي امريكان ؟
فى حاجة هاعلنها على طليق قريب باذن الله هاتوضح لنا ايه السبب وان شاء الله قريب هانزود الحلقات على زى امريكان
ازاى اكون طليقة فى الاسبانى ؟
مافيش اختصار للاسبانى اى لغة لازم تتعملها لازم تكون بتحبها ( لما بنحط لغات فى التصويت زى اللغة العبرية فحدث كمية هجوم على المستر لذلك فحب اللغة حاجة وحب المتحدثين باللغة حاجة وده خطا يعنى اتعلمها وماتبقاش اسرائيلى بحيث انك تعرف اللغة والثقافة وطريقة التفكيروتعرف الاخرمش ممكن فى بينا دلوقت واحد بينا منهم وبيتكلم ويكتب لعتنا زينا وممكن يستغلها ويوقع بين اتنين عرب.
كيف استطيع تعليم لغة جديدة مثل الصغار بدون ترجمة ؟
فى ناس بتدخل البلد وتقعد خمس سنين ومابتعرفش تلقط منهم وفى واحد يقعد خمس شهور وبيلقط ولكنته بتتحسن ( فمثلا انا فى اجتماع فى بداية تعلمى سبيت مديرتى وهى وشها احمر فقالت انت بتقول ايه فعدت الجملة تانى لانى ماكنتش اعرف معناها ولكن زميلتى شدتنى وفهمتنى ان الجملة غلط وصالحتها بشيكولاته هههه يبقى اهم حاجة اللهجة مهمة بس ماتوقفش تعليمك عشان النطق فيه مشكلة وتخاف انك تغلط اغلط عشان تتعلم )
لا استطيع الدراسة سوى ساعة فى اليوم فهل هذا كافي ؟
ساعة فى اليوم بتركيز تكفى لتعلم اللغة وكمان لو نص ساعة فى اليوم تكفى لكن بدون اى تشتت بمكالمة او ايميل او اى شى
التفكير النقدى فطرى ولا مكتسب ؟
التفكير النقدى فطرى ولكن انظمة التعليم فى العالم بتقتله فى كل العالم وليس بالدول العربية فقط
هل السن بيأثر فى تعلم اللغة ؟
السن السن ليس السن لوحدة ولكن قد ايه عندك فراغ ذهنى وصفاء ومافيش قلق على حاجة ولكن ممكن تكون قوة التذكر اعلى شوية عند الصغيرعن الشخص الكبير فى السن ويستطيع التذكر اسرع.
ده جزء 1 وفى التعليقات باقى الاجزاء لزيادة عدد الحرروف عن 1200
