First time here? Checkout the FAQ!
x

الملاحظات

مدرسة اللهجة الجزائرية :مباراة مع الفراعنة 2

في تصنيف اسئله عامه
بواسطة طالب عالمي (7.5ألف نقاط)  
+7 تصويتات
63 مشاهدات

السلام عليكم 

شاهد الفيديو من هنا 

الترجمة 1

الآن مع تكملة الترجمة 2 :

راهم في المملكة يأونطرينيو (s'entrainent )

انهم في المملكة يتدربون (قامت بجمع الفعل فأضافت نيو للجمع ههه)

 هههه في المملكة راهم يأونطرينيو ههههه

هههه في المملكة هم يتدربون هههههه

وين راهم يأونطرينيو في المملكة  يا رازان ؟

أين هم في المملكة يتدربون يا رازان ؟

أسكت , مالصباح راهي تفريمي عليا , قاع نغرفو نفريمو (frimer ) . سمعت ؟

أصمت , من الصباح و هي تتباهى علي , كلنا نعرف التباهي , سمعت ؟

افريمي افريمي , امممم 

تباهي تباهي امممم 

......

لالا , ما ناش موالفين نلعبوا ! , بالاك ما شفتيناش برك نتي 

لالا , نحن لم نعتد اللعب ! ربما لم ترينا أنت فقط 

احم ..... ما كان والو

 احم ..... لا يوجد شيء 

........

امم , و حنا ورانا ايه؟ ههههههه

امم , و نحن ماذا وراءنا ؟ ههههه 

مولاي , قوللها ما نقدروش قوللها 

مولاي , قل لها لا نستطيع قل لها 

لييه ما نقدروش نلعبو ؟؟؟ 

لماذا لا نستطيع اللعب ؟؟؟

ما عندناش فريق مولاي ما عدناش فريق blush

ليس عندنا فريق مولاي ليس عندنا فريق 

لا لا 

كليوباتر , جاتني معلومة من عند جواد 

-كليوباترا , جاءتني معلومة من عند جواد 

بلي الفريق تاعنا راه في تربص مغلق 

-بأن الفريق الخاص بنا في تربص مغلق 

يعني نعتذر , ما نقدروش نديرو معاك مقابلة frown

-يعني نعتذر , لا نستطيع أن نجري معك مقابلة 

....

-ههه اهههه , رانا واجدين نلعبو , وما نتسماش رازان مرت عاشور العاشر 

ههه اهههه, اننا جاهزون للعب , و لن أسمى رازان زوجة عاشور العاشر 

لوكان ما نربحوكمش ههههههه

اذا لم نربحكم ههههه

......

امممم موافق 

.....

هاكا حَبِّيتي ؟ , شدي angry

هكذا أردت ؟, أمسكي

بالتوفيق للجميع smiley

من فضلك سجل دخولك أو قم بتسجيل حساب للإجابة على هذا السؤال

4 إجابة

بواسطة طالب متميز (1.8ألف نقاط)  
+5 تصويتات
الجزاير والجزايين يحبوك يا خدوج
بواسطة طالب عالمي (7.5ألف نقاط)  
مساء النور :)
شكرا بب على التشجيع ^_^
وأنا نحب الجزائر و الجزائريين ❤ ونتي وحدة منهم ❤❤❤
بواسطة طالب متميز (1.8ألف نقاط)  
You are the best❤❤❤❤❤
بواسطة طالب عالمي (7.5ألف نقاط)  
thank you my dear
And you are my best sleeping princes❤❤❤❤❤
بواسطة طالب متميز (1.8ألف نقاط)  
ما تقوليليش قتلك من قبل على حياتي المدرسية ههههههههه
مانيش عاقلة كيفاه عرفتي اذا قتلك من قبل قوليلي واذا ما قتلكش معناها راكي ....... عندك اتصال مع......
فهمتيني ههههههه
بواسطة طالب عالمي (7.5ألف نقاط)  
ههههههههه بالاك عندي اتصال مع .......
هههه
لالا , نتي قلتيلي من قبل بلي يسموك الأميرة النائمة :)
راكي عاقلة  ؟
بواسطة طالب متميز (1.8ألف نقاط)  
مالا راني قتلك من قبل بلي نرقد فالقسم ويظلو يحاوزو فيا ويديرولي فالاستدعاءات
وكي يجيو النتائج في الكشف نتاعي تلقاي الاختبار عشرين التقويم تلقايه 14 ولا13
وقتلك بلي ماكانش استاذ ما تعاركتش معاه وقتلك بلي حابة نبطل وماما ماخلاتنيش
قوليلي سمعت بهذي الاخبار من قبل ولا لا ههههههههه؟
بواسطة طالب عالمي (7.5ألف نقاط)  
استنااااااي شوي
كامل هاذو قلتيهملي من قبل , بصح !!!!!!!!!! تبطلي القراية ؟!؟!؟!؟!؟!!؟
علاه هبلتي ؟
لواقيل رانا في عالم ديزني وتبطلي القراية عادي وتعيشي آلاز
ضوك بالقراية وبخدمتك وياربي يلا رحوك
بواسطة طالب متميز (1.8ألف نقاط)  
مالا راكي مازلت ما تعرفينيش مليح هههههههه
انا كون نبطل لقراية نولي من اغنياء العالم
اكثر حاجة واقفة في طريقي هي المدرسة نهار نخرج منها نربح
انا نحب العلم ما نحبش لخبيش
نحب نقرا وحدي ما نحبش حيوان يقريني في القسم ويقلي كي تجي لكور ذك تفهمي خير
فهمتيني ذك واصلا العلماء كامل ما قراوش في جد المدرسة
بواسطة طالب عالمي (7.5ألف نقاط)  
الله يبارك
نهدر  معا عالمة وأنا لا خبر :)
معليش , نتس اقراي وحدك بصح الشهادة من ليكول
وحدك شكون يعطيك الشهادة  . ؟ ويالوكان تكوني آينشتاين
بواسطة طالب متميز (1.8ألف نقاط)  
شفتي ما نعرفش غير ندير المحاجب(الطبخ والغسل والتنظيف عموما) هههههههه
الشهادة يبلوها ويشربو ماها
ما عندي ما ندير بيها
بواسطة طالب عالمي (7.5ألف نقاط)  
والله غي راكي عايشة في عالم الأحلام
ومالا كيفاش تخدمي؟
شاراكي تحوسي تخدمي أساسا ؟
بواسطة طالب متميز (1.8ألف نقاط)  
كي قتيلي هكا حسيتك ماما لي تهدر معايا ديما تقلي هكا
انا نحب الفلك ونحوس نخدم في الناسا
ونحب مام علم النفس والادب والتكنولوجيا خاصة الذكاء الاصطناعي
(وحاليا اهتمام زائد بالمكياج البشرة والشعر وكل ما يخص عالم الجمال ههههههه)
بواسطة طالب عالمي (7.5ألف نقاط)  
ههههه الله يجعل الخير , واقيلا بديت نعجَّز من ظوك هههه
ماشاء الله عندك بزاف طموحات
إن شاء الله تحققيهم قاع :)
واسمعي , كاش حاجة على  الشعر راني هنا , ماتنسايش ختك هههه
بواسطة طالب متميز (1.8ألف نقاط)  
حتى انت تحبي الادب؟
بواسطة طالب عالمي (7.5ألف نقاط)  
كنت نقصد الشعَر
هههه ولكن الشِّعر ثان نموت عليه :)
ونحب الأدب , الحصة الوحيدة اللي نرتاح فيها ومالازملهاش بزاف تخمام ^_^
بواسطة طالب متميز (1.8ألف نقاط)  
هههههههههه انا نحب الادب بصح ماشي في المدرسة
كاين وحد الحصةفي الجزيرة تاع العربية اسمها تأملات نموت عليها
كي تعرفي في الشعر نحب نسقسيك ههههههههه انا شعري رطب بصح خفيف كشما تعرفي حاجة نقدر نديرهالو
بواسطة طالب عالمي (7.5ألف نقاط)  
يقولو بلي زيت الأرقان يغزر الشعر
وكون لقيت حل ليا كون قتلك هههه
بواسطة طالب متميز (1.8ألف نقاط)  
مالا رانا كيف كيف ههههه
بواسطة طالب عالمي (7.5ألف نقاط)  
هههه كيف كيف
كي كنت صغيرة كانو عندي 4 شعرات ههه
وكثر خير ماما حففتلي بولازيرو ههههههههههههههههههه
ودارتلي اللي تندار واللي ما تندارش لشعري ههه
نتي متحجبة ؟
بواسطة طالب متميز (1.8ألف نقاط)  
هههههههه
انا شعري ماشي خفيف بزاف بصح حاباتو يزيد يغثا شوية
ايه انا بالحجاب وانت؟
بواسطة طالب عالمي (7.5ألف نقاط)  
أنا ثان
حجاب ولا سروال ؟
بواسطة طالب متميز (1.8ألف نقاط)  
سروال وانت؟
بواسطة طالب عالمي (7.5ألف نقاط)  
حجاب ولا ليجيب
بواسطة طالب متميز (1.8ألف نقاط)  
الله يبارك
ربي يهديني حتى انا
بواسطة طالب عالمي (7.5ألف نقاط)  
يبارك فيك
اللهم آمين :)
بواسطة طالب محترف (4.8ألف نقاط)  
+3 تصويتات

السلام عليكم ورحمه الله وبركاته ❤️ 

مساء الخير ❤️ 

كيفك خدووج ❤️

انا قرأت المنشور مرتين ومافهمتش حاجه الحمد لله ههههه 

بالتوفيق ❤️⁦(✿^‿^)⁩ 

بواسطة طالب متحمس (898 نقاط)  
و عليكم السلام
هل قرأت الجزء الأول ؟
لأن هذا مجرد تكملة له
بواسطة طالب عالمي (7.5ألف نقاط)  
وعليكم السلام ورحمة الله تعالى و بركاته :)
الحمد لله , وأنت؟
مثلما قالت بشرى , هذا مجرد تكملة ^_^
شاهدي الجزء الأول أولا
بواسطة طالب عالمي (5.9ألف نقاط)  
+1 تصويت
روووعة  يا خدوووج حبيت الفيديو بس ما فهمت كل شي ههههههه

بس رووعة

استمري يا معلمتي
بواسطة طالب عالمي (7.5ألف نقاط)  
هههه
 ما رأيك أن تقرئي الترجمة مزامنة مع سماع الفيديو
أظنها ستجدي نفعا :)
بواسطة طالب عالمي (5.9ألف نقاط)  
فكرة حلوة يا ام الافكار سافعلها ان شاء الله
بواسطة طالب عالمي (7.5ألف نقاط)  
إن شاء الله تنجح :)
بواسطة طالب عالمي (5.9ألف نقاط)  
ان شاء الله يا حب
بواسطة طالب متحمس (1.4ألف نقاط)  
0 تصويتات
فارس خلاص لميطوا ناض يعيط الحرب الحرب الحرب مافهموا فيها والوا لوخرين

نوري اضحكي ياواحد الفرعونة اضحكي

عاشور للجواد مافهمتش انا دوك نتا راك معانا و لا معاهم

انا اكديلي النوري كي يجا يقرا رسالة ديال المصريين. لهجة الناس راحت فيها  زعما. ايه ده ياعاشور اقراها اهدا ياعاشور
71 Online Users
8 Guest 63 Member
Today Visits : 16787
Yesterday Visits : 35834
Total Visits : 10451016

19.1ألف أسئلة

106ألف إجابة

121ألف تعليقات

24.2ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...