ماتيجوا معايا ❤❤❤❤ 2

Question

الملاحظات

للدخول الي شات طليق اضغط هنا

ماتيجوا معايا ❤❤❤❤ 2

في تصنيف اسئله عامه

بواسطة mervat طالب عالمي (6.4ألف نقاط)

سُئل يونيو 7، 2021

2.3ألف مشاهدات

السلام عليكم ورحمة الله وبركاته

ازيكم جميعا الحمد لله كلنا متجمعين باعتذر اتأخرت عليكم كنت بادور على تذاكر بسعر رخيص وكمان كنت بادور على اتوبيس قصدى طيارة فيها المقاعد جنب الشباك بس عشان نوف وصافى وزينب مايزعلوش وانا قولت اشمعنا هما كلنا نقعد جنب الشباك وكمان منار حاجزة اول كرسي من الرحلة اللي فاتت فبلاش حد يغلس ويجرى يقعد مكانها معانا النهاردة كابتن محمود من غير حروفه المبعثرة ومساعد طيار جعفر وجرير معلش هو كرسي واحد تبدلوا عليه طول الرحلة هاتتعبوا شوية بس فدايه ههههههه يالا بينا نبدء رحلتنا رحلتنا النهاردة الى مدينة. مدينة ينبعث منها عبق التاريخ وعندما تقترب منها تسمع ضجيج السياح حيث ان بها اعظم واقدم الاثار الرومانية هى...مدينة روما

زي ما احنا شايفين ده اول مكان لازم تزوره وهو المنتدى الرومانى Roman Forum ليه بقى لانه مركز العاصمة الرومانية القديمة لان كان هنا جميع الابنية الحكومية وكانت تقام هنا الاحتفالات الشعبية والانتخابات الحكومية وكذلك المحاكمات العلنية

شايفين كمان اللى هناك ده عمود تراجان Trajan's Column قصدى الامبراطور تراجان وارتفاعة تقريبا اكتر من 30م ده غير المنصة العالية اللى فوووق دى الله شيفين النقوش اللى عليه ما ابدعها دى بتحكى قصص انتصار الامبراطور فى حروبه

الناحية التانية بقى بصوا فيه ايه ده قوس تيتوس Arch of Titus هو قوس شبه المدخل أنشئ سنة 82 م من قبل الإمبراطور دوميتيان لاخوه تيتوس ليه بقى عشان يحيي ذكرى انتصارات أخيه الأكبر شوفتوا الحب

الجزء اللى احنا قدامه ده سيرك ماكسيموس Circus Maximus كان يعد أكبر ستاد في روما، حيث يوجد به 250,000 مقعد أعاد الإمبراطور تراجان بنائه بعد حريق عام 64 ميلاديا للاسف كل ما تبقي من السيرك هو حلبة السباق التي يغطيها الاعشاب ويستخدم في بعض الأحيان لإقامة الحفلات حيث تجمع أكثر من 700,000 مشجع للاحتفال بفوز إيطاليا بمونديال 2006 والمعروضة صورتهم على شاشة الكرسى اللى قدام حضراتكميالا بقى كفاية مش هانفضل هنا طول اليوم عشان نلحق نزور الباقيين اطلع بينا ياسطى جرير يوووه يا كابتن جرير على احلى واجمل الاماكن فى روما الكولوسيوم Colosseum.الكولوسيوم هو اكبر مدرج روماني فهو عملاق فى نفسه كده وحاجة جامدة جدى تم بنائه في القرن الأول بين عامي 70 و72 بعد الميلاد تحت حكم الإمبراطور فلافيو وتم الانتهاء منه عام 80 في عهد تيتوس وكمان عارفين كانت الساحة دي بتستخدم في ايه فى قتال المصارعين والمسابقات الجماهيرية، حيث تتراوح سعته ما بين 50,000 إلى 80,000 مشجع ومكون من ثمانية صفوف جعفر من فضلك اطلع بالطيارة شويه عشان نشوفه من فوق بصوا الجمال ايه رايكم ؟نزلي راسك شوية يا اسراء لاء مش انتي اسراء 2 مش شايفة منك ااااااااه اللى قدامنا ده بقى تحفة ومقبرة فى نفس ذات اللحظة زيمبقولك كده مبنى البانثيون Pantheonيعتبر المبنى واحد من اشهر معالم روما وده لانه يعد المبنى الوحيد اللى لسه محتفظ بشكله واللى بدء بنائه الامبراطور تراجان بواسطة مهندسة المعمارى الذى صمم المبنى وفى نهاية المبنى قاعة مستديرة مزينة بقبةوكان الهدف من بنائه ان يكون معبدا لجميع الهة روما ولكن بعد انتهاء العصر الرومانى وفى القرن السابع الميلادى تحول الى كنيسة مسيحية ثم الى مزار سياحى حيث انه اقدم مبنى فى روما. يالا بينا على مكان حلو اسمه ساحة نافونا Piazza Navona شايفين الجمالالساحة بتضم معالم اشهرهم اللى هناك دى عند المسلة دى نافورة الانهار الاربعة واللى صممها الفنان جيوفانى وهى عبارة عن مسلة مصرية تم وضعها على صخرة على اربع منحوتات تمثل اعظم اربع انهار وهى نهر النيل ونهر العاج والدانوب ونهر ريودى لابلاتا وكمان فى معالم تانية زي نافورة نبتون ونافورة مور وكمان كنيسة سانت اغنيس والساحة كانت زمان مكان للمسابقات.

تعالو بقى نستريح شوية على السلالم الإسبانية Spanish Steps ضموا على بعض يا خدوجة وخدوج وسلمى وانت يا ست نوجا انت ولوزة المكان زحمة وانتوا قاعدين براحتكم وناسين اننا معاكم. بصوا النافورة اللى قدامنا دى اسمها نافورة القارب واللى بترمز لحادثة غرق روما القديمة عندما فاض نهر التيبر وجرفت مياهه القارب إلى هنا اما اللى ورانا وجنبا دوار إسبانا وساحة ترينيتادي مونتي واللى هناك ده تمثال الملك داود والنبي موسى واللى الناحية التانية دى نافورة تريفي هانروح نشوفها من قريب بس نستريح شويةيالا بينا كل واحد معاه عملة يحضرها بس بشرط كل واحد لما نرجع يكتب فى الكومنت ايه الامنية اللى اتمناها ايوه يسيح لنفسه يا سمور انت وبراء وانت بالذات رومانتيك عايزة اعرف امنيتك فى نافورة تريفى Trevi Fountain.النافور جمالها غير طبيعى تحفة بجد ارتفاعها 26م انتهى بنائها عام 1762 ولها شهرة واسعة وبيزورها السياح من كل انحاء العالم ليه بقى بيقولك انهم بيعتقدوا انك لما ترمي عملة وتتمنى امنية النافورة قادرة على تحقيق الامنية دى ( اى كلام ) وده تقريبا شبه قصة بير مسعود فى اسكندرية بس انا عاجبنى التفاصيل المعمارية والتماثيليالا بينا بقى نشترى شوية حاجات ونتسوق هانروح شارع او سوق كامبو دى فيورى Campo de' Fiori ده بقى يا عبير انت ومنول ومليار ومرام وروجا وريم ونهى هايعجبكم جدا هانشتري اللحوم والاسماك والتوابل والزهور وكل حاجة وباسعار حلوة شايفين الالوان مش زي الخضار والفاكهة عندنا. هاسيبكم تشتروا ونتقابل بعد ساعة قدام المدخل واللى هايتأخر هاسيبه وارجع.كفاية يامنه انت وربا وبيان ورنا وزينب ونورة يالا بينا استاذ اكرم وعبد الخالق بيزعقوا هههههه يالا بقى عايزين نرجع قبل ما الليل يليل علينا..... اااااه انا عرفت انتوا عايزين تقعدوا هنا لحد بالليل لان الساحة بالليل بتتحول ايوة بتبقى ساحة للموسيقى والاغانى والمطاعم والكافيهات بتفتح وبتبقى حاجة تانية خاااالص. اليوم عدى بسرعة معاكم وكنت مبسوطة قوى عشان انا بافرح وانا معاكم وباتمنى الرحلة تكون عجبتكم واللى مجاش معانا المرة دى يجي معانا المرة الجاية. وقبل ما ننهى رحلتنا احب اقولكم امنيتى عند نافورة تريفى انا اتمنيت ان ا ابراهيم يجي معانا الرحلة الجاية ويكون موجود معانا وفى وسطنا باتم صحة وسعادة

حمدلله على سلامتكم

ودمتم سالمين .... بحبكم جداااااا

من فضلك سجل دخولك أو قم بتسجيل حساب للإجابة على هذا السؤال

28 إجابة

صفحة:

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة

ريم 丽梅 · Answer 1 · 2021-06-07T19:09:21+0000

الله الله الله ايه الجمااااال ده كله

⁦<(￣︶￣)>⁩

رحلة جميلة جدا يا ميرفت

وايه الي عرفك اني ححب السوق بجد ؟

ده انا بعشق حاجة اسمها أكل ومكونات اكل حتلاقوني بقلكو روحوا وانا حنام هنا هههههههههه وانسوني طبعا واعملكم أكلة جميلة بس معرفش حتعجبكم او لا

لأن إذا سألتيني عن امنيتي فهي اني أعرف أزبط كل كل أكلة في العالم بحب أطبخ الأكلات المشهورة في كل بلد بس خواتي الي بعجبهم بس هههههههه والحمدلله بعجب حد يعني.

بس لو طلبتم أكلة عربية أو أكل بلدي حزبطه ولووووو

وطبعا حتكون أمنيتي الثانية اني ابدع بالصينية وأصير بلبل فيها وكل حد هنا بدرس صيني أحب لأخيك ما تحبه لنفسك

وأسعد استاذ ابراهيم بانجازي وبانجازنا جميعا وربنا يمده بالخير والصحة والبركة

.....

أول مرة أكتب هالقد بالمصري ⁦(≧▽≦)⁩

إن شاء الله زبطتو

وأخيرا جد يا ميرفت رحلة حلوة وممتعة وفكرة مبدعه منك تعرفينا ع مكان بهيك أسلوب وبضل أحكي دايما وأبدا المصريين عندهم أسلوبهم الخاص الحلو بكل شي يوصل المعلومة

Rajaa al othman · Answer 2 · 2021-06-07T19:10:24+0000

تم الرد عليه يونيو 7، 2021 بواسطة Rajaa al othman طالب محترف (3.7ألف نقاط)

Nuha Nabeel · Answer 3 · 2021-06-07T19:32:48+0000

تم الرد عليه يونيو 7، 2021 بواسطة Nuha Nabeel طالب متميز (1.7ألف نقاط)

Judy Hopps · Answer 4 · 2021-06-07T19:43:56+0000

فيه حاجات كدا بيعجز الكلام عن وصفها

و من كتر الاندهاش مش بنلاقى حاجة نقولها

حقيقى فيه ابداع هنا سواء اسلوب أو شرح و طريقة جذب انتباه المتلقى

حقيقى ابداع بمعنى الكلمة

فعلا الموضوع يستاهل الوقت اللى اخده و انت بتجهزية لانه مليان معلومات رهيبة

و اللى مكمل الجو هو أسلوب الجميلة اللى بتكتب اللى عمل جو فرفوش و يجذب الإنتباه جدا و يخليك متنساش المعلومة و متزهقش ابدا

برافووو يا ميروو حقيقى مش لاقية ايموشن بيسقف للاسف ⁦ಥ‿ಥ⁩

بس خدى قلوب كتير ♥️♥️♥️

استمرى فى العظمة دى ⁦(◠‿◕)⁩

محمود رضا · Answer 5 · 2021-06-07T19:52:54+0000

تم الرد عليه يونيو 7، 2021 بواسطة محمود رضا طالب محترف (4.2ألف نقاط)

ESRA ESSA · Answer 6 · 2021-06-08T15:44:17+0000

السلام عليكم....

يسعدك مساءك حبيبتي ❤❤❤❤

الله على الجمال!! بحبك جدااا و اختيارك للموضوع و طرحه قمة في الروعة و الجمال ❤❤❤❤❤

الرحلة جميلة بشكل خرافي و حبيب جدااااا أسلوبك بجد قدمت المعلومة بأجمل طريقة ممكنة و أبدعت يا حبيبتي ❤❤❤

لشدة سعادتي بالرحلة لم أكن أتمنى أن تنتهي ابدا... و فعلا شعرت و كأننا كنا هناك بالفعل... سلمت يداك يا ميرو ❤❤❤❤❤ و أعجز حقيقية عن وصف جمالك و ابداعك

أما بالنسبة للأمنية انا تمنيت اني هذه الرحلة تتحول إلى حقيقة و نزورها مع بعض و يا سلام لو كان أستاذ إبراهيم عادل معنا... رح تكون أجمل رحلة

ما بعرف كيف فاتني كل هذا الجمال... بس بجد على الرغم من أنك كتبتي كل هذا الكلام و اضطريتي تحذفي بعض الأشياء بس بجد مجهود عظيم و أنا شخصيا استمتعت بالرحلة كثيرا و ربي إن شاء الله ما يضيعلك تعب ابدا... و تسلمي يا جميل على هي الرحلة الممتعة

حتى لو أجيت متأخرة مستحيل افوت على نفسي قراءة منشوراتك الجميلة لأني فعلا أعشق أسلوبك كثيراااا...

كل هذا كلام بس فعلا أقدر مجهودك و إن شاء الله ربي يسعدك و يرزقك بكل الخير و السعادة و راحة البال... و أشوفك دايما سعيدة

دمت بخير و سعادة يا حبيبتي ❤❤❤❤❤❤

Queen myself · Answer 7 · 2021-06-08T20:07:02+0000

السلام عليكم

ماهذه الرحلة ؟؟؟ واو بكل ماللكلمة من معنى

ميرفت أفضل مرشد سياحي حقا

أعذريني يا مرفوت ولكنك تعرفين مدى حبي للدرج , المعذرة ههه

أما أمنيتي عند النافورة فهي أن تكون رحلتكم القادمة للجزائر , وسأتولى أنا الإرشاد السياحي , وحتى المأكولات و المشروبات من عندي

لاتقلقوا

بالتوفيق للجميع

zainab madi · Answer 8 · 2021-07-14T23:13:36+0000

تم الرد عليه يوليو 14، 2021 بواسطة zainab madi طالب عالمي (8.2ألف نقاط)

ماتيجوا معايا ❤❤❤❤ 2

من فضلك سجل دخولك أو قم بتسجيل حساب للإجابة على هذا السؤال

28 إجابة

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

من فضلك قم بتسجيل دخولك أو قم بتسجيل حساب لتتمكن من إضافة تعليق

التصنيفات

الوسوم الأكثر شعبية