Question

حرام كل الوقت اللى بنضيعه في محاوله تشغيل التطبيق على الاقل حد يطمنا على صحه الاستاذ وهل المشاكل هتتحل ولا لا

Answer 1

بدل ما وقتنا اللي بيضيع ؟

اولا الأستاذ مش مطالب انه يعمل تطبيق ومش مطالب بكل التكاليف دي علشان احنا نتعلم تعليم لا يمكن هتلاقيه ... 

حرام كل الوقت ؟ 

يعني ايه حرام هو لم يمنع عنك شئ والقناة موجودة تقدر تتابعها وتذاكر براحتك . 

ويعد كل الكلام ده بتسأل عن صحته . الحمد لله أستاذنا بخير وبيعمل علي التطبيق علشان وقت حضرتك ما يضيع ...

ما فكرت قبل ما تكتب سؤالك  بهذه الطريقة انه مستر ابراهيم بيتابع الأسئلة دي كلها وممكن يتضايق من الأسلوب نفسه .

نصبر شوية مش لوحدك اللي عنده مشكل بالتطبيق .

 

Comments

أختي اعذروا الطلبة الجدد فربما هم لا يعلمون بمرض الأستاذ وان التطبيق قيد الإصلاح. وآسف إن كنت تدخلت في أمر لا يعنيني

---

انا اكتر الناس هنا تقدر المستخدمين الجدد .وترحب بيهم جدا بس لحد كدة وكفاية . اي حد يسأل براحته لكن باحترام وهنرد عليه بكل احترام . بغض النظر اذا كان لا يعلموا بمرضه او لا في شئ اسمه اسلوب بالحوار . زي ما بيطلوا والاستاذ بينفذ . يبقي علينا نحترمه . ونطلب اي شئ باحترام . احنا ما منعنا حد يسأل ويستفسر بالعكس كله له مطلق الحرية لكن نقدر ونصبر ونتكلم بأسلوب افضل من كدة .
ثانيا لا تعتذر عزيزي رأيك علي راسي .

---

اولا نعم الاستاذ ابراهيم مش مطالب يعمل تطبيق ولكن بما انه وعد الناس انه هيعمل تطبيق والناس بتستناه من شهور والتطبيق لمى ينزل لا يعمل فالناس عادي بتسال اي المشكة وايمتى هتنحل المشكلة دي ولكن محدش طلع ورد  

ثانيا بما انك مستغرب جدا من كلام الشخص الي بيقول ( حرام كل الوقت الي بنضيعه ) انا رح اشرحلك الموضوع
انا كشخص بيعمل بدوام 10 ساعات وبعد الوقت الي بقضيه مع العيلة والاكل و الشرب ...... بيزيد معي 2\3 ساعات يوميا لمى اجي افتح التطبيق بيضل نص ساعة ليفتح الصفحة الرئيسية وبلاقيها فاصية ( مفيش دروس ) بكبس على الزر الاعدادات برضو بيطول نصف ساعة  يعني التطبيق بطيئ جدا غير انو مليان مشاكل وهكذا .......
يعني انا بضيع ساعات من وقتي على التطبيق والتطبيق لا يعمل يعني ( وقتي بيضيع ع الفاضي ) اتمنى تكون فهمت كلام الشخص الي قال (حرام كل الوقت الي بنضيعه في محاولة تشغيل التطبيق )
وبعدين انا بستنى حد من اعضاء الفريق طليق انو يجيب على ويقول ايمتى هيتم تحديث التطبيق عشان المشاكل ولكن محدش رد !!!!
انا متابع قناة طليق على اليوتيوب ومتابع صفحة طليق على الفيسبوك و تويتر وبستنى حد يرد علينا يعني اي حد يطلع على القناة لمدة دقيقة ويقول ان التطبيق هيتصلح او هيتحدث في التاريخ الفلاني ولكن محدش طلع وحكى حاجه
وانا ما عندي مشكلة بالانتظار يعني لو طلع الاستاذ ابراهيم وقال التطبيق هيتصلح بعد سنة فدى عادي ودى حقه بما انه يقدم خدمة مجانية

---

صباح الخير :
بقالي في هذا المكان 5 شهور لي احترامي ووضعي لأول مرة واحد يجي يقلل منه
ومع ذلك ميرسي لزوقك .. وهجاوبك برده . حضرتك زعلان من ردي لكن ما فكرت انه مستر ما بيقرأ كل البوستات دي ما فكرت انه ممكن يزعل وهو كان مريض . احنا ما منعنا حدا أبدا انه يسأل والدليل انك موجود حاليا في قسم التطبيق
اللي ملئ بالاسئلة والاستفسارات ونرد عليهم بكل احترام .. كلامنا علي اسلوب الغير راقي اللي ممكن يأذي مشاعر أستاذنا. كان ممكن يستخدم تعبيرات أفضل وتدل علي نفس المعني .. وبدون كلام كثير .. اقرأ هذا البوست وحضرتك تعرف https://bit.ly/2RG3SLH وميرسي كتيير ..

Answer 2

السلام عليكم

في البدايه اهلا بيك ف المنتدى الخاص ب طليق...مشروع استاذ ابراهيم عادل...

واكيد حضرتك طالب عنده طيب ملاحظتش دايما اسلوبه المميز ف الكلام؟ لي مفكرتش تكتسب المهاره دي منه برضه،صراحه أسلوبك صعب شويتين ف افرض المستر شافه واتدايق...طب يرضيك(: 

المهم...انا مقدر اللي انت فيه وان عاوز تتعلم وكل حاجه لكن حابب افهمك كام نقطه بس 

اولا بخصوص مستر ابراهيم هو الحمدلله صحته كويسه متقلقش بس اكيد انت عارف الضغط يعني وان الموضوع مش سهل ولا هو كلمتين بيتقالو قدام كاميرا...ف اكيد الموضوع مرهق جدا...الله يعينه هو وكل القائمين عالمشروع الجميل دا

بالنسبه لسؤالك بقا 

الوقت اللي بنضيعه؟ طب لي طيب تضيع الموقت دا م انت تقدر تستغله حرفيا بنصائح المستر فقط مش بس ف اللغات لأ ف كل حياتك، التطبيق لسه جديد واكيد فيه عيوب زي اي تطبيق عادي جدا بس لو كان اتأخر اكتر من كدا كان ناس كتير هتدايق برضه واظن حضرتك منهم،المشاكل اكيد هتتحل ان شاءالله اكيد المستر يعني مش عامل برنامج اي كلام وخلاص واكيد حضرتك عارف دا كويس...ف صبرا...صبر بس شويه وهتتعلم والله وتبقى كويس جدا كمان ان شاءالله...

بس حابب اقولك معلومه اضافيه...ف علم النفس في حاجه اسمها false-consensus effect 

ودا اي بقا؟...دا ببساطه لما نتخيل ان اللي حوالينا بيفكرو ف الامور زي طريقه تفكيرنا بالظبط...او الظروف اللي انت شايفها اكيد هي الظروف اللي غيرك شايفها...يعني حضرتك شايف ان المشروع بسبب المشاكل ضيع وقتك، طب لي مقولتش مثلا ان المستر له حياته؟ وتطبيق تاني؟ وفيديوهات وتصوير واعداد..الخ...هل المستر بس معندوش غير التطبيق ومشاكله؟ هل هو هيحب يأخرك؟ د اظن من اكتر الناس اللي هتفيدك ف حياتك...

اتمنى تصبر حضرتك زي م كلنا صابرين بسبب حبنا للمستر وان شاء الله هتتعلم وتبدع، ووقتك اشغله متضيعوش وتجيب اللوم على حد

Comments

اولا شكرا جدا ليك وانا مقصدش اى حاجه صدقنى ده من عشمى في الاستاذ يمكن اسلوبى في الكتابه مكانش ف افضل حال بس مش ده اللى في قلبي فعلا ربنا بطمنا على الاستاذ دايما دى اهم حاجه انا بس كان نفسي حد يفهمنا ايه اللى بيحصل بس

---

فاهم قصدك وعادي حاول بعد كدا تحسن بس اسلوبك شويه لان دي مهاره هتكتسبها ان شاءالله لان ممكن تخسر حد بسبب كلمه متقصدهاش مثلا..
ربنا يوفقك

Answer 3

انا بصراحة مش عارفة ارد علي حضرتك بايه

انت بتضيع وقتك عشان مستني التطبيق اللي هو في الاخر فايدة لحضرتك.

وفي نفس الوقت في واحد وهب وقته عشان يوفر لحضراتنا تطبيق نتعلم عليه بدون مقابل وضيع وقته وجهده وماله ومأثر علي حياته حتي انه اشتغل وهو مريض عشان يرفع مستوانا ومايخلفش وعده لينا .

لاء وبعد ده كله حضرتك بتكلمه كده تفتكر لو انت مكانه وقريت الاسلوب ده حتي لو ماتقصدش كنت هاتكمل؟ اعتقد لاء بس هو مكمل عشان عهد اخده علي نفسه وبيحاول لكل ما اوتي من جهد ومال يوفي بوعده.

برجاء تعديل صيغة السؤال فهو لايستحق ذلك وبرجاء منك الصبر " صبرا ال ياسر فان موعدكم الجنة "

Answer 4

الاستاذة رومانتك كفت ووفت بالرد ولكن بصراحه شوية احترام لجهود الاستاذ ووقتك مش قاعد يضيع تقدر تستمع للغة وتقدر تراجع الدروس عن طريق اليوتيوب وتقدر تدخل ع التطبيق الصباح واخر شي كثر خيرك بعد الكلام ده صرت بتسأل عن صحة الاستاذ شكرا لك